Файзулло Ансорӣ
(1931-1980)

Гулшан -

МУБОРАК, ҶАВОНӢ!

(Тарона)


Сурудам, равон шав,
Равон бар ҷаҳон шав!
Ба ҳар дил дароӣ, –
Зи ҷон меҳрубон шав!
Ба ҳар амниятҷӯй
Саломи маро гӯй!
Сурудам, равон шав!..

Сифат кун дар олам
Ба авлоди одам –
Зи кӯҳсори тоҷик,
Аз ин бахти хуррам.
Гули ин чаманро,
Баҳори Ватанро
Сифат кун дар олам!

Муборак, ҷавонӣ! –
Накӯ зиндагонӣ.
Сафо дод Октябр
Ба ҳар хонадоне.
Зиҳӣ, эй рафоқат,
Муҳаббат, садоқат, –
Муборак, ҷавонӣ!
1957.





« Бозгашт | МУНДАРИҶА | Идома »
Шеърҳо Китобҳо Драмаҳо Достонҳо