КӮҲУ ДАРАҲО ШИНОСИ ДЕРИНААШОН (такрор)
Мардони наҷибанду сарафроз ҳама,
Доранд аҷоиб дили мумтоз ҳама,
Аз резаи санге бикашанд роз ҳама,
Мардони замонанд –
Кӯҳканонанд.
Бар мову ту ҷонанд,
Кӯҳканонанд.
Кӯҳу дараҳо шиноси деринаашон,
Сад меҳр бувад ба қалби бекинаашон,
Ҳар резаи санг гашта оинаашон, –
Мардони замонанд –
Кӯҳканонанд.
Бар мову ту ҷонанд,
Кӯҳканонанд.
Иқболи баланди ҳамаро хостаанд,
Аз умри азиз баҳри мо костаанд,
Бо сидқу вафо ҷони худ оростаанд...
Мардони замонанд –
Кӯҳканонанд.
Бар мову ту ҷонанд,
Кӯҳканонанд.