ТАРОНАИ ҶАВОНОНИ НОРАК
Ҳаводорони кӯҳему ҷавонони матин ҳастем,
Муҳаббат ҳаст дар ҷону барои кор дил бастем.
Вуҷуди хешро бо меҳри беамсол пайвастем,
Ҳама аз баҳри он, ки дар канори ин Ватан растем.
Ба Норак омадем аз дур,
Бақои дӯстӣ машҳур,
Ки сад миллат – як авлодем,
Як авлоди диёри нур!
Миёни кӯҳсорони баландовоза Норак ҳаст,
Ки дар ин ҷой нури барқи толеи муборак ҳаст!
Дар ин ҷо русу тоҷику дар ин ҷо гурҷиву арман,
Дар ин ҷо украину белорусу молдаву туркман...
Шукӯҳи рӯзгори неки худро нек бишморем,
Ки руди Вахши тоҷикро муҳаббатгоҳ пиндорем.
Барои дӯстон гулдастаи иқбол меорем,
Муборак зиндагониву муборак корҳо дорем.
Ба Норак омадем аз дур,
Бақои дӯстӣ машҳур,
Ки сад миллат – як авлодем,
Як авлоди диёри нур!