ДОДАМ САЛОМ БАР ТУВУ ОН БЕҶАВОБ МОНД
Бо фикру бо хаёли ту аз дида хоб монд,
Дил бо ту рафту хотири ман дар азоб монд.
Дар ҷустуҷӯи дил шуда, як рӯз бо умед
Додам салом бар туву он беҷавоб монд.
Соле гузашту сохта шуд сад бинои нав,
Ҳам кӯчаҳои дилкашу ҳам растаҳои нав,
Ҳар дам ҳазор шодии беинтиҳои нав, –
Танҳо бинои табъи дили ман хароб монд.
Оё дар ин русуму итоби ту ҳаст сеҳр?
Ҷоно, бидеҳ ҷавоби саволам зи рӯи меҳр!